الأربعاء، 8 يوليو 2009

من وسط الحكايات


بصيت من شباكى عالشارع الزحمه

عالناس اللى رايحه و جايه

المهموم و المبسوط و اللى بيضحك

و اللى مش باين عليه حاجه خالص

ورا كل واحد منهم حكايه

حكايات كتيره اوى

مالهاش اول من اخر

و حكايتى انا

حكايه من وسط الحكايات

حكايه بنت بتحاول تدور على نفسها وسط الزحمه

بتبص حواليها و تدعبس جواها

بتجرب و تحاول و ساعات تقع تتكسر

و تحس كان نهايه العالم جت و مفيش مخرج

لكن بزهول تكتشف ان الحياه اهى ماشيه و ما بتستناش
و ساعات الفرحه تطيريها تخليها تلمس احلامها باديها
و كتير تتلخبط مش فاهمه ايه اللى بيحصل حواليها
مش طالبه كتير
غير بس انها ترسم حكايتها باديها
غير انها تفهم البنت اللى بتطل عليها كل يوم من مرايتها
و اهى فى الاخر عارفه
ان حكايتها مجرد حكايه وسط الحكايات

( مجرد خواطر )

الخميس، 2 يوليو 2009

لا اعرف


ان تتوه فى دهاليز عقلك و تحاول جاهدا ان تبحث عن مخرج
ان تغرق داخل افكارك و تحيطك و تمنعك حتى من انفاسك
ان تحاول حتى ان تهرب
و تتوسل لنفسك لكى تترك و ترحل
ان تبكي بحرقه فقط لترحمك قليلا


تحاول ان تبتعد عنها بالاخرون فقط لتكتشف ان الامر ليس افضل حالا
فقط عندها ستقف عاجزا عن الحركه ..
و تفقد القدره تماما على اتخاذ القرار

لا اعرف

انا فقط لا اعرف

انت ياللى داخل مدونتى مش تخبط الاول ؟؟