الأربعاء، 8 يوليو 2009

من وسط الحكايات


بصيت من شباكى عالشارع الزحمه

عالناس اللى رايحه و جايه

المهموم و المبسوط و اللى بيضحك

و اللى مش باين عليه حاجه خالص

ورا كل واحد منهم حكايه

حكايات كتيره اوى

مالهاش اول من اخر

و حكايتى انا

حكايه من وسط الحكايات

حكايه بنت بتحاول تدور على نفسها وسط الزحمه

بتبص حواليها و تدعبس جواها

بتجرب و تحاول و ساعات تقع تتكسر

و تحس كان نهايه العالم جت و مفيش مخرج

لكن بزهول تكتشف ان الحياه اهى ماشيه و ما بتستناش
و ساعات الفرحه تطيريها تخليها تلمس احلامها باديها
و كتير تتلخبط مش فاهمه ايه اللى بيحصل حواليها
مش طالبه كتير
غير بس انها ترسم حكايتها باديها
غير انها تفهم البنت اللى بتطل عليها كل يوم من مرايتها
و اهى فى الاخر عارفه
ان حكايتها مجرد حكايه وسط الحكايات

( مجرد خواطر )

3 التعليقات:

mahasen saber يقول...

و ..ايه

وتايهه وسط احلامها ومشتاقه تحقق طموحاتها

وخايفه حد يجرها

جميله يا جميله انتى

Hassnaa يقول...

7aseet awi el bost day bgad
wallahya ya menna bgad

a7la postes elly btkoun tl3a mn el 2alb :)

elsha3er يقول...

لا تبحثى عن نفسك فهى معك ولكن لا تشعى بها نفسك هى نفسك

تحياتى لقلمك

احمد الشاعر


انت ياللى داخل مدونتى مش تخبط الاول ؟؟