السبت، 13 ديسمبر 2008

يا أيها الطفل الصغير اللى نايم و مش حاسس بالدنيا
و مش شايل هم حاجة
يا بختك
استمتع باللحظة دى على قد ما تقدر
لانه هييجي اليوم اللى هتكتشف فيه
ان عمر ما قوس قزح كان بيمطر بون بون
ده مجرد انكسارات للضوء
و ان مفيش فوق السحاب عالم الاحلام
ده مجرد بخار ميه
انه مش لازم اصحابك يخافوا عليك
و ان الكلام مش لازم يبقي كله صدق
و المشاعر مش لازم تبقي كلها حقيقيه و صافيه زيك كده
و حتى الحب هتلاقيه مغشوش
هتحتار بين الصح و الغلط
ساعتها مش هتقدر تروح فى النوم بالسهوله دى
و مش هتحس بلحظه صفاء زى اللى انت عايشها دى
فاستمتع على قد ما تقتدر

2 التعليقات:

Hassnaa يقول...

يا بخته

shiko يقول...

نعرفى ان الطفل ده هو اشجع من رسم قوس قزح وفق ما يتمناه وهو من اعظم من بنى امبراطوريات احلامه ؟

طيب اعرفى انه اذكى من عرف الحب المغشوش من الحب النقى !!

اعرفى انه الحقيقة المجردة دون ان يتلاعب بها افكار من حوله


انت ياللى داخل مدونتى مش تخبط الاول ؟؟