الخميس، 7 أغسطس 2008

عمرها حصلتلك دى (مش اغنية تامر حسنى على فكرة)


يوم عادى زى اى يوم تانى .. بتكلم ناس و بتقابل ناس .. بتحصل فيه احداث كتير حاجات تفرحك و حاجات
تضايقك..و اهو يوم و بيعدى ...
بس تيجى تقعد مع نفسك بليل و تفتكر احداث اليوم كده..تفتكر حركة انت عملتها و انت مش قاصد فى بنى ادم
انت بتحبه اوى و تحترمه جدا..يا ترى اتضايق يا ترى زعل منى..
و دماغك تاخد و تجيب .. يا ترى هو شايفنى ازاى دلوقتى .. يا ترى زعلان منى و لا لا..يا ترى عداها عادى زى مانا
عدتها و لا.... و تبدأ الافكار الكئيبة تيجى فى دماغك فكرة ورا التانية ...
و ساعتها هتحس انك بتكره نفسك .. مخنوق بس ما بتعيطش .. فى حاجة خنقاك و مش مخلياك عارف تتنفس كويس..
كل ما تيجى تغمض عينك تفتكر اللى انت عملته .. تفتحها بسرعة و تحاول تفكر فى اى حاجة تانية ...
بس افكارك مش سايباك .. حاسس بتأنيب ضمير فظيع .. و تحس انك ساعتها مفكرتش قبل ما تتصرف..
فين عقلى ساعتها بس؟؟ و يبقى نفسك تشوفه تعتذرله..
اكيد حصلت معاكوا قبل كده..اكيد

3 التعليقات:

فوكيره يقول...

اها حصلتلى وبتبقا حاجه رخمه خصوص لما تبقي انتى شخصيه ضميرها صااحى

لكن لقيتلها حل حـلو
لما تتزحم الافكار ... بتنح معايا

واقول

" خلاص ارحمى نفسك ... بكره الصبح اتصلي بيها واعتذري او اسألى اذا كانت اتضيقت ولا لأ "

:) الامور بسيطه بس دماغنا بتعمل من كـل حبه قبه ..

مفيش حاجه ملهاش حل

Hassnaa يقول...

ياااه يا منه انا كل يوم في الموال ده و اكلم اصحاب يو اسألهم جماعه انتوا زعلتوا مني ؟؟؟
وكمان انا بالذات بقول حاجات كتيير مش قاصداها و بتفهم غلط كتيير اوي ..

بس حل فوكيره والله كويس ..

ييلا اشوفك علي خير

shiko يقول...

فين بوساتك يا استاذة احنا حسدناكى ولا ايه ؟


انت ياللى داخل مدونتى مش تخبط الاول ؟؟